Бизнис
КУВАЈТ ГО НАМАЛИ ПРОИЗВОДСТВОТО НА НАФТА ПОРАДИ ВИША СИЛА, нафтата од Заливот се тргува за 100 долари за барел!
08.03.2026
Кувајтската нафтена корпорација (KPC) ја активираше клаузула за виша сила и започна со намалување на производството на сурова нафта. Клаузулата за виша сила ги ослободува договорните страни од одговорност доколку обврските поврзани со испораката на стоки не се исполнети поради настани надвор од нивна контрола. Не е познато за колку KPC ќе го намали производството, информираат светските агенции.
Во февруари, Кувајт произведуваше околу 2,6 милиони барели сурова нафта дневно.
Претходно, Ирак и Катар го намалија производството на нафта и гас бидејќи војната меѓу САД и Иран ги блокираше испораките од Блискиот Исток осми ден по ред.
Цената на барел сурова нафта од типот Мурбан, што се произведува во Обединетите Арапски Емирати, надмина 100 долари на њујоршката берза во петокот, надминувајќи ги сите други видови нафта што се тргуваат таму. Ненадејниот скок на цените е поврзан со растечкиот страв на инвеститорите од понатамошна ескалација на конфликтот меѓу Соединетите Американски Држави и Израел од една страна и Иран од друга страна.
Пред почетокот на американско-израелската воена операција против Иран, барел Мурбан на њујоршката берза се тргуваше по просечна цена од околу 74 долари.
Ова значи дека за само седум дена неговата цена се зголемила за дури 35 проценти. Овој раст е двојно поголем од скокот на цената на референтните видови нафта, Брент и WTI, кои се најтргувани на глобалниот пазар.
Во петокот, Брент достигна цена од околу 90 долари за барел, додека WTI беше околу 89 долари, пренесува Блиц.
Фото Економија и бизнис