Бизнис
КОИ СЕ „ЕВРОПСКИ“ РЕКОРДЕРИ ВО КОРИСТЕЊЕ НА БОЛЕДУВАЊЕ!
09.01.2025
Германците во 2023 година во просек поминале на боледување 15,1 ден, според податоците на Сојузниот статистички завод во Визбаден. И во претходните години Германија се наоѓаше во самиот врв на листата на земји, според бројот на работниците кои користеле боледување, а тоа го правеле првиот ден веднаш кога ќе почуствувале дека се настинати пишува „Дојче веле“.
Директорот на осигурителната компанија Ализанц СЕ, Оливер Бат, предлага воведување на некој вид на „пауза“ во исплатата на надомест за првиот ден на боледување, а работодавачите оваа дневница да им ја одбијат на работниците кои заминуваат на боледување.
- Во споредба со Европската Унија, Германците се на прво место или се светски прваци кога станува збор за користење на боледување, изјави Бат, за весникот “Ханделсблат“.
Работодавачите во Германија плаќаат годишно 77 милијарди евра за работниците на боледување, а од здравствените фондови се исплатуваат дополнителни 19 милијарди евра. Ова е околу шест отсто од вкупните социјални издатоци. Во ЕУ просекот е околу 3,5 отсто. Во некои земји од Унијата, како во Шведска, Шпанија и Грција вработените за првиот ден на боледување знаат дека тој ден нема да им биде платен, пренесува „Пословни дневник“.
фото freepic