Финансии / Банкарство
Швајцарите ќе гласаат за воведување на данок на богатство
29.11.2025
Швајцарците треба да одлучат во недела дали да се воведе драстичен данок на големите наследници. Доколку се прифати овој предлог, тоа би можело да го промени имиџот на земјата како глобален центар на богатство и да предизвика и преселба на милионерите.
Неделното гласање предизвика жестока дебата во домашната јавност, а предлогот за нов данок на богатство, многумина го сметаат за лакмус тест за ставовите на јавноста кон прераспределбата во една од најбогатите земји на планетата.
Иницијативата доаѓа од младинското крило на социјалдемократите (JUSO), кое бара данок од 50% на наследства во вредност од над 50 милиони франци (62 милиони долари), а приходите би се користеле за финансирање на проекти за ублажување на климатските промени. Според официјалните податоци, околу 2.500 Швајцарци поседуваат средства над тој праг или вкупна вредност од дури 500 милијарди франци.
Анкетите покажуваат дека до две третини од гласачите се против тоа, клучното прашање станува до кој степен предлогот ќе биде отфрлен.
„Се надевам дека нема да помине. Но, самиот исход е важен, бидејќи покажува каде оди Швајцарија“, рече шефот на најголемата швајцарска банка, UBS, Серџо Ермоти, на неодамнешниот бизнис настан во Цирих.
Швајцарија е глобален центар за управување со богатство. Во исто време, живеењето во големите градови станува рекордно скапо, па затоа прашањето за трошоците за живот сè повеќе влијае на политиката.
Доколку иницијативата се усвои, државата би добила околу 4 милијарди франци нови приходи. Од JUSO тврдат дека најбогатите најмногу придонесуваат за емисиите преку потрошувачката на луксузни производи. Но, Владата препорачува иницијативата да се отфрли, пренесува Инвеститор.ме.
Фото Економија и бизнис