Бизнис
ВО ХОЛАНДИЈА МАСОВНО СЕ ПАЗАРИ НА ИНТЕРНЕТ, најмалку онлајн набавки има во бугарските региони
29.11.2025
Во Европската Унија, имало 23 региони каде што најмалку 80 проценти од населението, на возраст од 16 до 74 години, нарачувало стоки или услуги преку интернет, објави Евростат.
Статистичкиот завод на ЕУ наведува дека приближно половина од споменатите области се наоѓаат во Холандија (сите 12 региони).
Останатите се во Данска (четири), Ирска и Шведска (три региони), како и во регионот на чешката престолнина, Прага.
Централниот холандски регион Утрехт имал најголем удел на луѓе кои купиле или нарачале стоки или услуги преку интернет со процент од 91,5 проценти.
Во 21 регион на Европската Унија, помалку од 40 проценти од населението нарачало стоки или услуги преку интернет.
Повеќето од овие региони се наоѓаат во источните и јужните делови на ЕУ, првенствено во Романија и јужна Италија (по шест региони), како и во Бугарија (пет).
Оваа категорија ги вклучува трите најоддалечени региони на Франција и еден автономен регион на Португалија.
Југоисточниот регион на Бугарија имаше најмал удел на луѓе кои нарачуваат стоки и купуваат преку интернет (21,7 проценти), по што следуваат Карипските Гвадалупе (24,2) и Северозападниот дел на Бугарија (24,9), пренесува Бизнис.рс.
Фото Економија и бизнис