Општество
„Магијата е во знаењето“ продолжува во Струмица: Петта панел-дискусија „Магијата на создавање храбри, мислечки и сочувствителни личности“
29.11.2025г
Националната кампања„Магијата е во знаењето“на Министерството за образование и наука продолжува со својот караван на панел-дискусии низ градовите. Досега се одржаа панели воСкопје, Прилеп, Тетово и Куманово, а следната станица е Струмица.
Петтиот панел на тема„Магијата на создавање храбри, мислечки и сочувствителни личности“ ќе се одржи во недела, 30 ноември, во 11 часот во струмичкиот Дом на АРМ.
Во панел-дискусијата ќе учествуваат министерката за образование и наука проф. д-р Весна Јаневска, Ана Витанова – Рингачева, вонреден професор на катедрата за македонски јазик и литература на Филолошкиот факултет при Универзитет „Гоце Делчев“ Штип, свои мислења и искуства ќе споделат и Стојне Митева, психолог и гешталт терапевт при ООУ „Маршал Тито“ – Муртино, Струмица, Трајче Бјадов, наставник по македонски јазик при ООУ „Герас Цунев“ – Просениково, Струмица, како и Архелос Туранов, директор при ДСУ РЦСОО „Никола Карев“ од Струмица иМери Доневска Костуранова, родител и претседател на Совет на родители при струмичкото СОУ „Јане Сандански“.
И овој настан ќе претставува можност за споделување идеи, добри практики и инспиративни искуства за тоа како заедно да создадеме генерации кои размислуваат критички, се водат од вредности и дејствуваат храбро.
Настанот ќе може да се следи и во живо на YouTube каналот на Министерството за образование и наука:
https://youtube.com/channel/UCzOX1KEu6ZBm14DqFasVMjA?si=MWcOfrO5OjMDZd_O