Бизнис
НАД 50 ОТСТО ОД ФАРМИТЕ ВО ЕУ СЕ МАЛИ СТОПАНСТВА!
09.01.2025
Во Европската Унија постојат околу 9,1 милиони фарми, од нив 64 отсто се мали стопанства со површина до пет хектари, покажува земјоделскиот попис на ЕУ.
Стопанствата со површина од пет до 50 хектари учествуваат со 29 отсто од вкупниот број на европски фарми. Само седум отсто од фармите се со површина поголема од 50 хектари. Од нив четири отсто располагаат со над 100 хектари.
Над 62 отсто од обработливите површини се ниви, 30,5 отсто се пасишта, 7,1 отсто овоштарници, додека 0,1 отсто од земјата е за други намени.
Најмногу фарми има во Романија (32 отсто), Полска (14 отсто), Италија (12 отсто), Шпанија (10 отсто) и Грција со шест отсто.
На 38 отсто од фармите во ЕУ се одгледува храна за лични потреби на фармерите.
фото freepic