Бизнис
ДО КРАЈОТ НА ДЕЦЕНИЈАТА НАЈМНОГУ ВРАБОТУВАЊА ВО ЗЕМЈОДЕЛСТВОТО
08.01.2025
До крајот на деценијата ќе бидат отворени околу 170 милиони нови работни места во светот, но 92 милиони работни места ќе исчезнат, се наведува во извештајот на Светскиот економски форум.
Технолошките промени, геополитичката фрагментација, економската неизвесност, демографските промени и зелената транзиција, ќе бидат главните фактори кои ќе го обликуваат или трансформираат глобалниот пазар на трудот до 2030 година. Најголема нето вработеност во периодот 2025-2030 година ќе биде забележана во земјоделството.
Зелената транзиција и прилагодување на климатската криза ќе придонесат за раст на бројот на работните места во земјоделството за 34 милиони. Во земјоделството моментално се ангажирани 200 милиони луѓе.
Меѓу првите пет професии според растот на вработеноста ќе бидат и возачите во дистрибуција, софтверски програмери, градежните работници и продавачите во продавници. Значителен раст се предвидува и во преработката на храна и во секторот за нега на лица.
Истражувањето е објавено пред одржувањето на традиционалниот Економски форум во Давос, од 20 до 24 јануари годинава, пренесува Н1.
фото freepic