Бизнис
НАМАЛУВАЊЕ НА ОБЕМОТ НА ТРГОВСКАТА РАЗМЕНА, ГОЛЕМ ПАД НА ИЗВОЗОТ ВО ГЕРМАНИЈА
08.01.2025
Вкупната вредност на извозот на стоки од Македонија, во периодот јануари – ноември 2024 година, изнесува 7 216.6 милиони евра и бележи пад од 5,8 % во однос на истиот период од претходната година. Вредноста на увeзената стока, во истиот период, изнесува 10 126.5 милиони евра, што е за 0,6 % помалку во споредба со 2023 година. Трговскиот дефицит, во периодот јануари – ноември 2024, изнесува 2 909,9 милиони евра, а покриеноста на увозот со извоз е 71,3 %, соопшти Државниот завод за статистика.
Во периодот јануари – ноември 2024 година, според вкупниот обем на надворешнотрговската размена, Македонија најмногу тргувала со Германија, Велика Британија, Грција, Кина и Србија. Во перидото јануари-ноември 2024 година имаме остварено помал извос во ЕУ за 7,1 отсто и имаме остраено поголем увоз од 2,8 отсто. Намалување на извозот имаме и со земјите од ЕФТА за 15,7 отсто и зголемен увоз за 0,4 отсто.
Во наведениот периодот обемот на трговската размена меѓу Македонија и Германија бележи пад од 8,7 отсто. Македонскиот извоз во Германија е намален за 13,6 отсто, а нашата земја бележи поголем увоз за 7 отсто.
Трговската размена по производи покажува дека во извозот најголемо е учеството на катализаторите на носачи со благородни метали или нивни соединенија, сетовите на проводници за палење и слично, за возила, авиони или бродови, деловите на седишта од подгрупата 821.1 и други катализатори на носачи. Во увозот најмногу се застапени нафтените масла и маслата добиени од битуменозни минерали (освен сурови), другите метали од платинската група и нивни легури, необработени или во облик на прав, платината и легурите на платина, необработени или во прав и други моторни возила за превоз на лица, пренесе МИА.
фото freepic