Бизнис
Маиер: Остануваме посветени на проекти кои се базирани на иновативност и кои создаваат промена во општествово
Што очекувате од 2025г.
Економија и бизнис | печатено издание | 15 декември 2024г.
„По големата енергетска криза која се случи пред две години, имавме мала стабилизација на пазарот, но моменталните трендови, особено во Југоисточна Европа, ни најавуваат многу неизвесна 2025 година на енергетски план. Цените на електричната енергија на берзите ќе прават притисок на пазарот, па моите прогнози се дека следнава година ќе имаме предизвици на овој план и непредвидливост на среден рок, но ние работиме на стратегии како да се надминат овие состојби и да обезбедиме стабилно и сигурно снабдување и за граѓаните и за компаниите. Очекувам продолжување на зелената транзиција и ние како компанија ќе продолжиме да инвестираме во таа насока. Главниот фокус ќе останат инвестициите во обновливи извори на енергија, во дигиталната трансформација, како и во развој на мрежата за електромобилност. Зелената енергија и енергетската транзиција се исклучително важен процес од еколошки и од економски аспект. Инвестициите во оваа насока ќе овозможат поголема енергетска предвидливост и зголемување на сопствените извори на енергија, што позитивно ќе влијае и на цената во перспектива. Ние во ЕВН остануваме посветени на проекти кои се базирани на иновативност и кои создаваат промена во општествово“.