Бизнис
ГЕРМАНСКИТЕ НЕГУВАТЕЛИ НА СТАРИ ЛИЦА НА „ПЕЧАЛБА“ ВО ЛУКСЕМБУРГ
06.01.2025
Над 52.000 Германци работат во Луксембург што е зголемување од 30 отсто од пред десет години. Поголемиот број од овие работници живеат во Германија и секој ден патуваат на работа. Само во секторот на здравствена и социјална грижа се регистрирани 6.300 германски неговател(к)и, објави Националниот институт за статистика.
Негувателите од Германија работат во пограничните области на Луксембург, а нивната плата е речиси за двапати повисока од германските домови за стари лица.
- Во Луксембург заработувам повеќе иако работат 60 отсто од полното работно време во Германија. Во Германија бев одговорна за девет или десет стари лица во една смена, често работев 15 дена некрекинато. Во Луксембург се грижам за пет лица, вели негователката Сому Мецгер, која нема намера да се врати на работа во Германија.
Луксембург има 670.000 жители и населението во земјата се повеќе старее. Затоа од неодамна повторно ги зголеми платите на вработените во социјалните служби за нега на болни и стари лица. Со десет години работен стаж негователките во старечки домови годишно заработуваат околу 65.000 евра, со дополнителни бонуси, додека медицинската сестра може да заработи и околу 100.000 евра.
Според процените на здружението за негуватели Копас, во следните пет години во Луксембург ќе треба да се пополнат 4.000 работни места во секторот на нега, од нив потребни се 900 медицински сестри, како и помошници во кујна и физиотерапевти, пренесе Б92.
фото freepic