Бизнис
Мизо: Голем дел од предизвиците со кои се соочивме во 2024 година ќе продолжат, а дел од нив и ќе се продлабочат и ќе се прошират во 2025 година
Што очекувате од 2025г.
Економија и бизнис | печатено издание | 15 декември 2024г.
„Голем дел од предизвиците со кои се соочивме во 2024 година ќе продолжат, а дел од нив и ќе се продлабочат и ќе се прошират во 2025 година.
Анемичниот раст на европската, а пред сè на германската економија, ќе креираат дополнителни притисоци на нивото на побарувачка и на општата потрошувачка во 2025 година. Автомобилската индустрија во Европа, со проектиран пад на продажба од околу 1 % споредено со оваа година, притисокот од конкурентни кинески возила, како и несигурноста во процесот на електрификација во голема мерка ќе ја диктираат општо конкурентноста на германската економија. Ова ќе значи дополнителен притисок за оптимизирање на трошоците, зголемена продуктивност и ефикасност за да се задржи нивото на профитабилност на странските компании доставувачи на автомобилската индустрија кои работат во Македонија“.