Бизнис
ЗАБРАНА ЗА МАЛОЛЕТНИ ЛИЦА И БРОЈНИ ОГРАНИЧУВАЊА ЗА ИГРИТЕ НА СРЕЌА ВО СРБИЈА
03.01.2025
Во Србија од 6 јануари почнува да се применува Законот за измени и дополнување на законот за игри на среќа со кој се предвидуваат бројни ограничувања за малолетниците. Меѓу измените севоведува и задолжителна проверка на возраста на лицата кои влегуваат во автомат клубовите и обложувалниците. Покрај ова, задолжително е да се огласи текст на јавно место од надворешноста на објектот со предупредување за зависноста од коцкање и забрана за учество на малолетни лица. Во текстот треба да има совети за превенција од зависноста, како и контакт и адреса за институцијата за лечење на болеста од зависност од игри на среќа.
Во објектите се забранува и служење на храна и пијалоци со повеќе од пет отсто аклохол во автомат клубовите и обложувалниците.
За онлајн игрите задолжително е да се утврди идентитетот при регистрацијата за пристапување на играта.
За непочититување на законските одредби предвидени се високи казни за приредувачите на игрите на среќа, пренесува „Еуроњуз“.