Бизнис
Азески: Остварувањето поголем профит е незапирлив и единствено оправдан процес
Што очекувате од 2025г.
Економија и бизнис | печатено издание | 15 декември 2024г.
„По сите информации со кои располага Комората, 2025 година ќе биде година на изненадувања. За некого пријатни, за некого непријатни. За бизнисот, секако, напредни бидејќи остварувањето поголем профит е незапирлив и единствено оправдан процес. Можеби ќе биде поспоро, но неминовно. Конкретно, во услови на:
1. Висок степен на неизвесност:
а) меѓународни прегрупирања
б) европски недоразбирања
в) балкански разигрувања
г) внатрешни разидувања
2. Висок степен на:
а) корупција
б) сива економија
в) партизација
неопходно е да се преземат конкретни активности на внатрешен план каде што сме значаен фактор во градењето на економски политики и можеме нешто да направиме.
Пред се, враќењето кон проектот 3И-инфраструктура , инвестиции и извоз, што е нашиот излезен адут од оваа ситуација.
Брзо завршување на инфраструктурните проекти, отворање на нов инвестициски циклус, дуплирање на поддршката на извозот − се единствени решенија за излез од оваа сложена ситуација на државава и на бизнисот.
За нас друга алтернатива не постои и во наредниве 10 години овие зборови ќе бидат „волшебните зборови“ кои ја покажуваат нашата цел − подобар стандард за граѓаните, поголем профит за компаниите и повисок БДП за државава. Среќна нова 2025 година!“