Бизнис
Мукаетов: Растечките трендови на Алкалоид ќе продолжат и во 2025 година
Што очекувате од 2025г.
Економија и бизнис | печатено издание | 15 декември 2024г.
„Изминува година која го надополнува повеќедеценискиот тренд на континуиран раст на компанијата. И покрај многубројните предизвици, кои главно влијаеа кон зголемување на трошоците во работењето, успеваме да ја завршиме тековната 2024 година со две нови значајни достигнувања. Тоа се надминување на границата на вкупниот консолидиран извоз во износ од над 200 милиони евра и надминување на вкупните консолидирани продажби во износ од над 300 милиони евра. Базирајќи се на овие силни основи, проследено со континуираните инвестиции во опрема, во технологии, во научно-истражувачки активности и во човечкиот потенцијал, со посветноста кон диверзификацијата, континуираното ширење на портфолиото и освојувањето на нови пазари, уверени сме дека растечките трендови на Алкалоид ќе продолжат и во 2025 година. Се надеваме дека следнава година ќе донесе подобрување на глобалните безбедносни состојби што може да придонесе и кон подобрувања на економскиот амбиент. Како извозно ориентирана компанија, остануваме посветени кон одржливиот раст и интерната оптималност на процесите со цел континуирано подобрување на конкурентноста во глобалната економија“.