Бизнис
ВО АТИНА СТАПУВААТ НОВИТЕ ПРАВИЛА ЗА КРАТКОРОЧНО ИЗНАЈМУВАЊЕ НА СТАНОВИ
02.01.2025
Од 1 јануари почна да се применува законот за забрана за краторочно изнајмување на станови во Атина, кој е донесен со цел да го спречи недостигот на станови за локалните жители.
Со новите законски прописи се воведува едногодишен мораториум на регистрирање на нови апартмани за краткорочно издавање во повеќе од десет централни квартови во Атина. Меѓу нив се и популарните зони: Колонаки, Кукаки, Панграти и Ексархија.
За непочитување на новите правила предвидени се казни од 20.000 евра. Законот предвидува и фискални олеснувања за сопствениците кои ќе се откажат од краткорочното изнајмување на подолг рок.
Речиси 18.000 станови во Атина се наоѓаат на платформите за краткорочно изнајмување, а најголемата побарувачка е во текот на летните месеци. Оваа состојба на пазарот на недвижности е присутна повеќе години и локалните жители се жалат дека не можат да најдат прифатливи кирии за изјамување на становите посебно во поатрактивните населби во Атина, пренесува Н1.
фото freepic