Бизнис
ГЕРМАНИЈА ЈА ОЧЕКУВА РАСТЕЧКА НЕВРАБОТЕНОСТ
30.12.2024
Невработеноста во Германија најверојатно ќе се зголеми во 2025 година, предвидува Институтот за истражување на вработувањето (ИАБ) со седиште во Нирнберг. Барометарот за декември, што го пресметува Инситутот, се намалува четири месеци по ред и достигна 99,2 , што е најниско ниво по пандемијата.
- Агенцијата за вработување очекува невработеноста да продолжи да расте од почетокот на новата година, изјави Енцо Вебер, истражувач во ИАБ.
Барометатарот предвидува промени во вработеноста и сезонската невработеност за наредните три месеци.
- Пазарот на трудот е поделен, а индустријата, градежништвото и привремените вработувања се најизложени , додека здравството, образованието и транспортот се со раст на вработеноста, вели Вебер.
Сојузната агенција за вработување (БА) која управува со агенциите за вработување објави дека невработеноста во ноември достигна 2,77 милиони лица или 168.000 повеќе во однос на лани, пренесува „Сеебиз“.