Вкупната економска активност во Србија во 2024 година, мерена според реалните движења на бруто домашниот производ (БДП), забележа раст од 3,9 отсто во однос на 2023 година, соопштија од Републичкиот завод за статистика.

Бруто капиталните инвестиции годинава забележале реален раст од 9,2 отсто. Во истиот период земјоделското производство оствари пад на физичкиот обем од 8,8 отсто. Индустриското производство во Србија се зголеми за три отсто, а преработувачката индустрија оствари раст од 4,4 отсто.  

Рударството во Србија има годишен раст од 7,5 отсто, а секторот за снабдување  на енергија  забележа пад од шест отсто.

Проценетата годишна инфлација во Србија годинава е 4,4 отсто.

Сите податоци за економските движења  во 2024 година се направени врз основа на достапните и досегашните објавени податоци, пренесува „Данас“.

фото freepic