Бизнис
ТУРСКИТЕ РАБОТНИЦИ БАРААТ ЗГОМУВАЊЕ НА МИНИМАЛНАТА ПЛАТА ЗА 70 ОТСТО
29.12.2024
Илјадници луѓе во Турција протестирале вчера во главниот град Анкара барајќи зголемување на минималната плата. Турската влада неделава објави дека минималната нето плата во 2025 година ќе изнесува 22.104 турски лири (604,41 евра), што е зголемување од 30 отсто во однос на 2024 година. Претставници на турската влада соопштија дека нивото на минималната плата е одредена така што ќе се задржи фискалната дисциплина и за да се продолжи борбата против инфлацијата.
Турските работници кои беа изложени на високите цени поради високата инфлација која годинава ќе изнесува 45 отсто, побараа зголемување на минималната плата за 70 проценти.
Турскиот министер за финансии Мехмет Шимшек изјави дека минималната плата во 2023 и 2024 година пораснала повеќе од годишната инфлација.
- Стабилноста на цените е предуслов за трајно зголемување на куповната моќ и благосостојба на нашите работници, напиша Шимшек на социјалните мрежи, пренесува „Еуроњуз“.
фото freepic