Бизнис
„Макпетрол“ на своите вработени им исплати новогодишен надоместок во нето износ од 30.000 денари
28.12.2024г.
Во соопштение доставено до Македонската берза од компанијата истакнуваат дека:
„Согласно Глава 6 од Правилата за котација, известуваме за следната ценовно чувствителна информација: Имајќи ги во предвид залагањата на вработените за извршување на работните обврски, а по повод Новогодишните празници, „Макпетрол“ А.Д. - Скопје, објавува дека, на своите вработени им исплати новогодишен надоместок во нето износ од 30.000 денари“.
Грижата за вработените е значајна за успешноста на Друштвото на долг рок и истата претставува дел од корпоративната политика на „Макпетрол“ А.Д. - Скопје.