Бизнис
ДАЛИ СЕ ГЛЕДА КРАЈОТ НА КРИЗАТА ВО ГРАДЕЖНИШТВОТО ВО ГЕРМАНИЈА!
26.12.2024
Нарачките за германската градежна индустрија значително се зголемија во октомври, покажуваат податоците објавени во понеделникот од националниот завод за статистика Дестатис, по што градежниците очекуваат крај на кризата и стабилизација, но на ниски нивоа.
Нарачките пораснале за 5,6 отсто во октомври во споредба со претходниот месец, во секторот на висококатниците, во кои доминираат станбените згради, така и во нискоградбата, која вклучува изградба на патишта, наведува Дестатис.
Истовремено, продажбата реално е зголемена за 1,7 отсто во однос на истиот месец лани.
Сепак, за периодот од јануари до октомври сликата е поинаква: новите нарачки паднале реално за 1,9 отсто во однос на истиот период лани. Зголемените трошоци и високите каматни стапки силно ја погодија градежната индустрија, особено во секторот за домување.
Германската градежна индустрија се надева на дополнително намалување на клучните каматни стапки на Европската централна банка во 2025 година. Здружението на градежната индустрија (ЗДБ) објави верува оти кризата во секторот достигна најниска точка и очекува стабилизација во 2025 година, но на пониски нивоа.
Од ЗДБ очекуваат годинава во целата држава да се изградат меѓу 250 и 255 илјади нови станови. Ова е помалку од 2023 година, кога беа изградени околу 295.000, а тоа далеку под посакуваното ниво на федералната влада од 400.000 нови станови годишно, пренесува „Пословни дневник“.
фото freepic