Бизнис
ПОЧНУВААТ ОТПУШТАЊАТА ВО НАЈГОЛЕМАТА ГЕРМАНСКА АВТОМОБИЛСКА КОМПАНИЈА
21.12.2024
Најголемиот европски производител на автомобили „Фолксваген“ ќе укине повеќе од 35.000 работни места во Германија до 2030 година за да ги намали трошоците, со намера да избегне затворање на фабриките. Ова е дел од договорот што е постигнат вчера, а кој предвидува „општествено прифатливо намалување на работната сила“.
Оваа квота од 35.000 работници иснесува околу 29 отсто од вкупната работна сила на компанијата, пренесува „Бета“.
Отпуштањата нема да бидат во еден циклус, туку ќе се одвиваат постепено со процесот на пензионирање, но нема да се вработуваат нови работници.
Со програмата за „стабилизирање“ на автомобилската компанија во Германија на среден рок ќе се заштедат околу 4 милијради евра.
фото freepic