Владата на Италија предлага зголемување на  таксата за туристички  престој, која во моментов изнесува околу 5 евра за едно ноќевање. Ова би значело зголемување на таксата од 10 евра за соби за кои се наплатува 100 евра, 15 евра за соби поскапи од 400 евра и 25 евра за луксузни апартмани.

Зголемувањето на данокот на туристички престој во Италија предизвика силни реакции во секторот за туризам и меѓу експерти за економија, кои предупредуваат на можноста Италија да биде помалку атрактивна за странските туристи, посебно за оние со скромен буџет за патување.

Приходите  од туристичките такси во Италија  до  крајот на ноември 2024 година  достигнаа 976 милиони евра. Експертите предупредуваат дека овие приходи се користат за покривање на дупките во општинските буџети, наместо да се насочуваат во подобрување на  туристичката инфраструктура.

Италија е една од најпосетуваните земји во светот. Според Светската организација за туризам  минатата година над  57  милиони странски туристи ја посетиле оваа земја, која остварила приход од  50,5 милијарди евра, пренесува „Бизнис.ба“.

фото freepic