Француската централна банка очекува националната економија да порасне за 0,9 отсто во 2025 година, а новата проценка претставува пад од септемвриските прогнози од 1,2 отсто. Намалување на прогнозата за раст на француската економија има и за 2026 година и тоа за 0,2 процентни поени и растот ќе изнесува 1,3 отсто. Во 2024 година економскиот раст на Франција изнесува 1,1 отсто.
Оваа најнова прогноза доаѓа во период на политички превирања во Франција, пренесува „Еуроњуз“. Политичката криза беше и една од причините што минатата недела агенцијата „Мудис“ да го намали кредитниот рејтинг на земјата на АА3. Економистите ја истакнаа загриженоста за растечкиот национален дефицит, кој се очекува да достигне 6,3 отсто во 2025 година.
Франција веќе се соочи со дисциплински мерки на ниво на ЕУ за прекумерно трошење во 2024 година, надминувајќи ја границата на дефицитот од три проценти.
Централната банка очекува јавниот дефицит следната година да биде меѓу пет и 5,5 отсто од бруто домашниот производ (БДП).
Гувернерот на Банката на Франција, Франсоа Вилерој де Галхау, ги повика политичарите да ги остават настрана нивните разлики „за доброто на кредибилитетот на Франција“. Банката очекува усогласена инфлација од 2,4 отсто годинава, а 1,6 отсто во 2025 година, пренесе „Бизнис.ба“.
фото freepic