Услугата за електронско боледување коja ќе  ги обединува информационите системи на Републичкиот фонд за здравствено осигурување во Србија, на лекарите и  на работодавачите, може да почне да функционира од март следната година. Директорот на Канцеларијата за информатички технологии и електронската управа на Србија Михаило Јовановиќ нагласува дека на овој начин ќе се избегне целосно комуникацијата со хартиени документи при одобрувањето и отврорањето на боледувањата за работниците.  

Отворањето на е-боледувањето ќе ги намали злоупотребите, а на овој начин ќе се одговори и на барањата на странските компании во Србија, кои забележуваат дека стапката на отворени боледувања е голема и бројот на работници кои не се редовно на работните места достигнува 20 отсто.

Во Србија повеќе од 2,4 милиони граѓани имаат регистрирано налог на порталот еУправа и користи барем една од над 350 различни услуги, кои им се достапни на граѓаните и на фирмите.

Најкористени електронски услуги во Србија се запишување на децата во градинките, во основните и средните училишта, како и запишувањето на новороденчињата во матичните книги, а целата постапка треа помалку од пет минути, а притоа граѓаните не мора да одат на некој шалтер. Е-услуга се користи и да пријават адреса за престој или за добивање на здравствена книшка, пренесува „Бизнис.ба“.

фото freepic