Бизнис
ОД ДЕНЕСКА ПАТУВАЊЕ СО БРЗ ВОЗ МЕЃУ БЕРЛИН И ПАРИЗ ЗА ОСУМ ЧАСА
16.12.2024
Првиот брз воз од Берлин до Париз е пуштен денеска во сообраќај, а ќе застанува на попатните станици во Франкфурт, Карлсруе и Стразбург. Патувањето меѓу главните градови на Германија и Париз ќе трае осум часа.
Пуштањето на новата линија меѓу двата главни града се случува во време кога „Дојче Бан“ прави напори да ја врати довербата за редовноста на железничкиот патнички сообраќај. Минатиот месец само 60 отсто од возовите на долги релации стигнале на одредиштето на време, односно доцнеле помалку од шест минути, пренесува АП.
Државната германска железница има за цел својата редовност да ја поправи до 2027 година до кога процентот на возови кои пристигнале на време да биде 75 отсто.
До денеска сообраќаше и друг побавен воз меѓу Берлин и Париз, а беше воведен минатата година и сообраќаше три пати неделно.
фото freepic