Бизнис
ВО БИХ ЌЕ СЕ ГРАДИ НАЈДОЛГИОТ ТУНЕЛ ВО ЗЕМЈАТА
16.12.2024
Договорот за изградба на тунел Прењ, низ еден од најголемите планиски масиви во Босна и Херцеговина, ќе биде договорен следната пролет. Станува збор за наголемиот тунел што ќе биде изграден во БиХ кој ќе го „пробие“ патот низ планината меѓу Коњиц и Мостар. Планината Прењ е во делот на северна Херцеговина, а по својата природна убавина и карактеристики на теренот, планинарите ја нарекуваат како „босански Хималаи“
- Сакаме порано да ја договориме изградбата на тунелот Прењ, кој е најтешка сообраќајна делница на Коридорот 5ц, изјави Денис Ласиќ, директор на ЈП Автопатишта на Федерација БиХ.
Тунелот ќе биде долг 10,9 километри и по изградбата ќе биде деветти најдолг тунел во Европа и 30-ти во светот. Целта е овој тунел да биде завршен до 2030 година, пренесува „Бизнисинфо.ба“.
фото freepic