Бизнис
КАКО ДА СЕ ПАЗАРИ РАЦИОНАЛНО ПРЕД ПРАЗНИЦИТЕ?
15.12.2024
Деновите пред новогодишните празници се можност за купување на различни производи и услуги и луѓето најчесто ги надминуваат своите финансиски можности и влегуваат во непотребен минус на банкарските картички. Експертите од областа на финансиите даваат и совети за рационално однесување при пазарењето.
Една од методите за правилно управување со своите месечни приходи е „cost per use“ (CPU). Ова е деловен концепт кој го одредува трошокот за користење на некој производ или услуга врз основа на реалниот број на користења. Со пресметувањето на овој индикатор се доаѓа до реалната исплатливост за купување на одреден производ или услуга, а тоа е посебно корисен за продукти кои имаат подолг век на траење или употреба.
Примената на CPU во секојдневниот живот е следно: на пример, ако чевли чинат 10.000 денари и се користат 50 пати, тогаш трошокот за едно користење чини 200 денари. На овој начин, потрошувачот може самиот да процени дали купувањето на некој производ му е поисплатливо!
За помалку трошење на приходите помагаат и другите финансиски техники. Лицето треба еден месец да ги бележи сите негови плаќања, од плаќање на сметки, заеми и други најситни трошоци. На овој начин ќе се види на крајот на месецот колку пари се потрошени за ситни и непотребни производи.
Како начин за одвикнување од импулсивно купување е правење на список на најнеопходните продукти пред да се отиде во маркет и потоа доследно да се остане на запишаните производи.
Некои од купувачите можат да се придржуваат на правилото 50-30-20. Ова значи 50 отсто од приходите да одат на основните потреби (кирија, сметки, храна). Триесет отсто да се наменат за задоволување на личните желби (облека, домашни потреби и за забава), а 20 отсто од приходите да се наменат за штедење и за други поголеми трошоци како патување, купување кола и слично, пренесува „Бизнис.рс“.
фото freepic