Бизнис
„ЗИМСКА“ РЕЗЕРВАЦИЈА, ЗА ПОЕВТИНО ЛЕТУВАЊЕ ВО 2025 ГОДИНА, нов тренд во туристичката понуда во Србија
15.12.2024
Додека на Балканот се очекуваат врнежите од снег пред новогодишните празници многу граѓани во Србија веќе размислуваат каде ќе го поминат следното лето, а тоа го покажува и зголемениот број на резервации за летните аранжмани за 2025 година. Многу туристички агенции во Србија веќе ги промовираат т.н. „first minute" понуди во кои се вклучени и попусти до 40 отсто од редовните цени на аранжманите.
- Продажбата за туристички аранжмани за следното лето почна од средината на октомври годинава. Оваа можност е добра прилика за сите туристи кои однапред знаат каде ќе летуваат следното лето, поради тоа што цените на аранжманите за следната сезона се многу повисоки од годинашните цени. Овој тренд е присутен во целиот свет поради високата инфлација, изјави Александар Сеничиќ, од Националната асоцијација на туристиќката агенција „Јута“.
Со користењето на предвремена уплата може да се заштеди и до 1.000 евра во зависност од изборот на дестинацијата и квалитетот на сместувањето. Заинтересираноста за правење на рани резервации за летувањето се зголеми за 50 отсто во однос на минатата година, пренесува „Еуроњуз“.
фото freepic