Бизнис
ЕУ ГИ ЗГОЛЕМИ ВЛОЖУВАЊАТА ВО ИСТРАЖУВАЊЕ И РАЗВОЈ, ВОДИ ФАРМАЦЕВСТКИОТ СЕКТОР
14.12.2024
Во 2023 година Европската Унија потроши 381,4 милијарди евра за истражување и развој, што е за 6,7 отсто повеќе од претходната година (357,4 милијарди евра) и 57,9 отсто повеќе отколку во 2013 година (241, 5 милијарди евра).
Интензитетот на истражување и развој се дефинира како расходи, изразен како процент од БДП, и тој остана стабилен во споредба со 2022 година (2,2 отсто). Меѓу 2013 и 2023 година тој порасна за 0,1 процентен поен (п.п.), соопшти европската канцеларија за статистика Евростат. Раст е забележан во 19 земји од ЕУ, а највисок е во Белгија (1,0 п.п.), Полска (0,7 п.п.) и Грција (0,7 п.п.).
Минатата година пет земји од Европската Унија забележаа повисок интензитет на истражување и развој со над три проценти: во Шведска (3,6 отсто), Белгија и Австрија (по 3,3 отсто). Следуваат Германија и Финска со по 3,1 отсто.
Пет земји од ЕУ пријавија помала активност за истражување и развој под еден процент: Романија (0,5отсто), Малта (0,6 отсто), Кипар (0,7 отсто), Бугарија и Латвија ( по 0,8 отсто).
Секторот деловни претпријатија и понатаму има најголемо учество во расходите за истражување и развој, со 66 отсто од трошоците на ЕУ со вкупно 253,1 милијарди евра во 2023 година.
Следува високообразовниот сектор (81,7 милијарди евра или 21 отсто), државниот сектор (41,0 милијарди евра или 11 отсто) и приватниот непрофитен сектор (5,5 милијарди евра или еден отсто).
Според Мудис, реалниот раст на глобалните корпоративни трошоци за истражување и развој од 6,1 отсто во 2023 година бил побавен од реалната стапка на раст од 7,5 отсто во 2022 година.
Фармацевтскиот сектор го предводеше интензитетот на истражување и развој во 2023 година, инвестирајќи 19 отсто од вкупните приходи во истражување и развој, а потоа следат секторите софтвер и ИКТ услуги со 14 отсто, пренесува „Бизнис.рс“.
фото freepic