Бизнис
ЦЕНИТЕ НА КРАВЈО МЛЕКО ВО ЕУ ПРОДОЛЖУВААТ ДА РАСТАТ
12.12.2024
Цените на сировото кравјо млеко продолжува да растат во Европската Унија, поради недоволното производство и зголемената глобална побарувачка, што резултираше и со зголемени цени на путерот, павлаката и сирењето. Во сите земји членки на ЕУ, освен во Шпанија е забележан раст на откупните цени на млекото, од еден отсто во Хрватска до 43 отсто во Ирска.
Цените на млечните производи во ЕУ се во пораст пред новогодишните празници. На пазарите млекото се продава по просечна цена од 58 евроценти за еден литар. Во сeптември откупната цена изнесуваше 48,7 центи, а во октомври надмина над 50 центи.
Во Европската Унија во 2022 година биле произведени околу 160 милиони тони млеко, или за 0,3 милиони тони помалку од претходната година. Откупните цени на млекото се зголемени во просек за 35,1 отсто во однос на 2021 година.
Во Србија производството на млеко е помало за околу 5,3 отсто во однос на претходната година. Во 2023 година биле произведени 1,34 милијарди литри крабјо млеко, пренесува „Политика“.
фото freepic