Бизнис
ВО ХРВАТСКА НЕВРАБОТЕНОСТА НАМАЛЕНА ЗА 20 ОТСТО!
11.12.2024
На крајот на ноември годинава во евиденцијата на Хрватскиот завод за вработување се евидентирани 89.897 невработени лица, што е за 20,6 отсто или за 23.353 лица помалку од ноември минатата година, објави „Сеебиз“.
Евидентираните нови вработувања по основ на работен однос најчесто е остварен во трговија на големо и мало со 1.223 лица или 16,8 отсто. Следува преработувачката индустрија со 978 лица или 13,4 отсто, образованието со 786 лица или 10,8 отсто и обезбедувањето сместување, подготовка и послужување храна со 772 лица или 10,6 отсто.
Во ноември од регистарот на невработени се избришани 3.258 лица од други причини, напуштање на пазарот на работната сила (пензија, вклучување во редовно образование), непочитување на законските одредби (неактивно барање работа, недостапна за работа), отпишување од евиденција итн.
фото freepic