Бизнис
Аеродромите во регионот со пораст на патници, но и пад на помалите аеродроми
08.12.2024
Аеродромите на поранешна Југославија опслужија вкупно 32.114.233 патници во периодот од јануари до октомври 2024 година, додека само во октомври се регистрирани 3,17 милиони патници. Некои аеродроми остварија значителни стапки на раст, додека други забележаа пад на бројот на патници во споредба со истиот период лани.
Бројот на патници на аеродромите во поранешна Југославија во октомври 2024 година:
• Белград - 752.007
• Загреб - 416.662
• Приштина – 355.280
• Дубровник - 307.527
• Сплит - 306.159
• Скопје - 268.936
• Сараево - 148.402
• Подгорица – 146.372
• Љубљана - 127.572
• Тиват - 96.686
• Задар - 88.478
• Бања Лука - 37.758
• Ниш - 31.775
• Пула - 23.245
• Тузла - 19.192
• Охрид - 14.740
• Риека - 5.740
• Осиек - 4.870
• Мостар - 4.740
• Осиек - 1.210
• Краљево - 1.003
• Брач - 563
• Марибор - 14
Од аеродромите со најзначаен раст на бројот на патници во октомври се издвоија Тиват, Сараево и Дубровник. Аеродромот Тиват забележа импресивен раст од 61,3% во однос на октомври минатата година, додека Сараево забележа раст од 32,1%, а Дубровник за 26,7%. Овие резултати ја истакнуваат зголемената важност на овие дестинации, особено за време на постсезоната, пренесува ExYuAviationNews.
Бројот на патници на аеродромите на поранешна Југославија во периодот јануари - октомври 2024 година:
• Белград - 7.175.614
• Загреб - 3.681.956
• Сплит - 3.578.694
• Приштина - 3.403.717
• Дубровник - 2.875.865
• Скопје - 2.522.871
• Задар - 1.588.837
• Сараево - 1.587.583
• Подгорица - 1.566.693
• Љубљана - 1.262.873
Најголема загуба на превезени патници имаат помалите дестинации како Марибор со пад од дури 72,2 отсто и Риека која имаше 65,1 отсто помалку патници во однос на октомври 2023 година. Од поголемите аеродроми Ниш загуби 9,6 отсто од патниците, а негативни резултати забележаа и Подгорица, Бања Лука, Охрид, Осиек и Брач.
Белградскиот аеродром останува лидер во регионот, рангирајќи се на 75-то место меѓу најпрометните аеродроми во Европа. Во текот на десет месеци, аеродромот во Белград се најде зад аеродромите како Базел и Рејкјавик, но пред Глазгов, Родос и Софија. Загреб е на 110. место, додека Приштина и Скопје се на 116. односно 135. позиција.
Хрватска се истакна како најбрзо растечки пазар во регионот, со над 1,7 милиони дополнителни патници во 2024 година во споредба со претходната година. Ова е резултат на зголемените туристички активности и враќањето на летовите до најважните пазари, пренесува Аеро.телеграф.рс.
фото freepic