Бизнис
ВО СВЕТОТ САМО ДЕСЕТ ОТСТО ОД ПЛАСТИКАТА СЕ РЕЦИКЛИРА!
07.12.2024
Од 1950 година глобалното производство на пластика изнесува над осум милијарди тони, а од тоа помалку од 10 отсто се рециклира. Ова придонесува милиони тони пластика да завршат во светските океани и мориња, што преставува сериозна закана за животната средина и животните, предупредуваат извештаите од Обединетите нации.
Пластиката се произведува од фосилните горива и тие учествуваат со пет отсто од глобалните емисии на штетни гасови. На состанокот во јужнокорејскиот град Бусан, развиените земји не постигнаа договор за надминување на несогласувањата околу намалување на употребата на пластиката. Длабоките поделби останаа во групата од 100 земји кои имаат поставено „високи амбиции“ за постепено укинување на употребата на пластиката, но земјите производителки на нафта предупредуваат дека тоа може да се одрази и на економскиот развој на светот, пишува ББЦ.
Групата од 95 земји, вклучувајќи ја и Велика Британија, Европската Унија и други земји од Африка и Јужна Америка, се повикуваат на членот од договорот за правно обврзување за намалување на нивото на производството на пластика, пренесува „Пословни дневник“.
фото freepic