Бизнис
КИНА ГО ЗАБРАНИ ИЗВОЗОТ НА РЕТКИ МЕТАЛИ И ДИЈАМАНТИ ЗА САД
03.12.2024
Кинеските власти денеска соопштија дека во целост го забрануваат извозот на ретките метали во Соединетите Американски Држави. Забраната на извоз се однесува на ретките метали: галиум, германиум и антимон и високо-технолошките материјали кои се користат за воени намени.
Кинеското министерство за трговија го најави овој чекор еден месец порано откако Вашингтон го прошири списокот на кинески производители кои ќе бидат подложни на контрола, а кои произведуваат компјутерски чипови, софтвер и мемориски чипови потребни за напредните апликации, пренесува „Бета“.
Ограничувањата кои ги воведе денеска Кина опфаќаат и дијаманти и други материјали со исклучителна цврстина и густина. Тие се користат во многу сектори од индустријата, во опремите за сечење, за дискови за автомобилски кочници или за заштитни средства за премачкување.
Кина е најголем извор на галиум и германиум во светот кои се експлоатираат во мали количини, кои се потребни за производство на компјутерски чипови за мобилни телефони, автомобили, соларни панели и воена опрема.
фото freepic