Бизнис
ГРЦИЈА ВОВЕДУВА ДАНОЦИ ЗА ДНЕВНO ИЗНАЈМУВАЊЕ НА СТАН ИЛИ КУЌА
03.12.2024
Со новиот предлог на закон за даноци во Грција од 1 јануари се водедуваат нови правила и ограничувања за краткорочното изнајмување на станови и куќи преку интернет платформите. Со новите правила се стеснува просторот за нови изнајмувачи на краток рок, додека другите кои издаваат станови и куќи на долг рок ќе добијат даночни олеснувања, пишува атинската телевизија РТВ СКАИ.
Во Грција за прв пат се воведува забрана за краткорочните изнајмување на станови и куќи во атинските квартови. Сопствениците на недвижности кои сакаат да издаваат простор за странските гости во текот на следното лето ќе мораат до 31 декември да се пријават во даночниот регистер. Од 1 јануари тоа нема да можат да го прават.
Забраната за изнајмување се однесува и на нерегистрираните објекти во другите соседни области на главниот град на Грција. Овие забрани ќе се прошираат и во други региони на Грција.
Еден сопственик нема да може да издава на краткорочен закуп повеќе од две недвижности. Нема да се дозволи и закуп подолг од 90 дена во една календарска година, а 60 дена во календарска година на островите со помалку од 10.000 жители.
На изнајмувачите на недвижности им се зголемува и надоместот за климатска отпорност или поранешниот надомест за сметување од 1,50 евра на осум евра дневно од април до октомври и со 0,50 евра на две евра дневно од ноември до март, пренесува „Нова економија“.
фото freepic