Бизнис
ЗА НОВА ГОДИНА ВО БЕЛГРАД НЕМА СЛОБОДНИ СТАНОВИ ЗА ИЗНАЈМУВАЊЕ, КИРИИТЕ ЗА КРАТКОРОЧЕН НАЕМ ДО 600 ЕВРА!
02.12.2024
Во пресрет на дочекот на Новата година се зголемува интересирањето за изнајмување на станови за еден ден во Белград. Медиумите во Србија информираат дека годинава барањето за слободен стан за новогодишните празници почнува порано, а веќе е тешко да се најде слободен стан во централниот дел на Белград, каде за краткорочно изнајмување треба да се издвојат и до 600 евра.
Изнајмувањето на стан на еден или два дена станува се попривлечна опција за туристите и од другите земји, меѓу нив и од Македонија, кои сакаат да го почуствуваат богатиот забавен и ноќен живот во некои од белградските угостителски објекти.
Зголемената побарувачка за изнајмување ги зголеми и цените на „викенд“ кириите во Белград.
- Последните пет години доаѓаме во Белград. Со пријателите редовно изнајмуваме стан за три дена во населбата Дорчол. Годинава сопствениците ни бараат 200 евра за една ноќ или 600 евра за три дена. Ова е прескапо. И со овие цени не е можно да се најде слободен стан, се е пополнето, вели соговорникот на „Курир“.
фото freepic