Бизнис
ДРАСТИЧЕН РАСТ НА ЦЕНИТЕ ЗА ДОМУВАЊЕ ВО ЗЕМЈИТЕ ОД ЕУ
01.12.2024
Цените на становите во Европската Унија се зголемија за 48% меѓу 2010 и 2023 година, додека трошоците за домување, вклучително и сметките за комунални услуги, драстично се зголемија во некои земји-членки, се наведува во најновиот извештај на Евростат за домувањето во Европа.
Во 2023 година Ирска имаше највисоки трошоци за домување, вклучително и за вода, струја и гас, двојно повеќе од просекот на ЕУ. Во Луксембург овие трошоци беа за 86% над просекот на ЕУ, а по него следи Данска (80% над европскиот просек).
Граѓаните во Бугарија и Полска имаа најевтини станови и со трошоци под просекот на ЕУ за 61% и 56%, соодветно.
Трошоците за изнајмување во ЕУ постојано се зголемуваат, и тоа за 22% во периодот 2010-2023 година, при што речиси сите земји членки бележат раст освен Грција. За споредба, вкупната инфлација во ЕУ за истиот период изнесува 36%.
Во просек, луѓето во ЕУ минатата година потрошиле околу една петтина (19,7%) од својот расположлив приход за домување, со најголем удел е во Грција (35,2%), Луксембург (27,6%) и Данска (25,9%).
Во Норвешка, Швајцарија и Германија, луѓето трошат околу една четвртина од расположливиот приход за домување, пренесува „Инвеститор.ме“.
фото freepic