Бизнис
ВО ХРВАТСКА САМО ЕДНА ТРЕТИНА ОД ИЗВОЗНИТЕ КОМПАНИИ УСПЕВААТ НА МЕЃУНАРОДНИОТ ПАЗАР
26.11.2024
Во Хрватска само 15 отсто од претпријатијата се извозни, а тие вработуваат повеќе од половина работници во приватниот сектор, учествуваат со 62 отсто од инвестициите, а речиси 73 отсто од сите вложувања во развој се случуваат во овие компании.
Извозот на Хрватска во 2023 година изнесуваше 23 милијарди евра, иако тој забележува благо намалување во однос на претходната година. Преработувачката индустрија учествува со 40 отсто во вкупниот извоз на Хрватска.
Потпретседателот на Хрватската индустриска стопанска комора Томислав Радош вели дека само една третина од новите извозни компании успеваат да преживеат првите пет години на меѓународниот пазар. Од овие компании од 20 до 40 отсто постигнуваат значителен раст во извозот следните години.
- Интернационализацијата е клучниот двигател на економскиот раст, а Владата континуирано работи на програми за подобрување на конкурентноста на хрватските компании на глобалниот пазар. За шест години обезбедени се 43,9 милиони евра за интернационализација, што резултираше со потпишување на 1.018 договори со вкупна вредност од 60,2 милиони евра од нив бесповратна помош изнесуваше 39,2 милиони евра, изјави Горан Ромек, државен секретар во Министерството за економија, пренесува „Пословни дневник“.
фото freepic