Бизнис
ФРАНЦИЈА СО НАЈГОЛЕМИ СОЦИЈАЛНИ ТРАНСФЕРИ ВО ЕВРОПСКАТА УНИЈА
26.11.2024
Земјите од ЕУ издвојуваат 6,1 отсто повеќе од својот буџет за социјална помош. Според првичните проценки, вкупните расходи за социјална заштита во Европската Унија достигнаа сума од 4.583 милијарди евра во текот на 2023 година, објави Евростат.
Канцеларијата на ЕУ задолжена за статистика наведува дека расходите за социјална заштита претставуваат 26,8 отсто од вкупниот бруто домашен производ (БДП) на Европската Унија, што претставува намалување за 0,1 процентен поен во однос на претходната година.
Меѓу земјите на ЕУ, за кои беа направени проценки за 2023 година, расходите за социјална заштита како процент од БДП беа највисоки во Франција (31,3 отсто), Финска (31,2) и Австрија (29,7). Ирска (12 отсто), Малта (13,2) и Естонија (15,3).
Бенефициите за старост и болест (здравствена заштита) го сочинуваа главниот дел од бенефициите од социјалната заштита во сите земји на ЕУ, а другите категории вклучуваа попреченост, семејство (деца), невработеност, домување и социјална исклученост.
Расходите за социјална заштита се зголемија во текот на 2023 година во сите земји на ЕУ за кои беа објавени проценки.
Најголем раст е забележан во Словачка (за 18,9 проценти во однос на 2022 година), Полска (18,4) и Унгарија (15,2), а најмал пораст е забележан во Данска (2,3), Италија (3,5 ) и Естонија (3,8).
фото freepic