Бизнис
СЛОВЕНЦИТЕ НА БОЖИКНИ ПОДАРОЦИ ЌЕ ПОТРОШАТ ОД 100 ДО 200 ЕВРА
24.11.2024
Словенците годинава за традиционалните подароци за Божик планираат да потрошат од 100 до 200 евра, а една четвртина од граѓаните ќе потрошат до 100 евра, покажало истражувањето спроведено од СЕС Словенија и Институтот за истражување на пазарот и медимумите Медиана.
Од вкупниот број на купувачи 34,7 отсто ќе потрошат меѓу 100 и 200 евра, 24,9 отсто ќе потрошат меѓу 50 и 100 евра, а 18,3 отсто ќе потрошат меѓу 200 и 500 евра.
Жените во Словенија ќе потрошат повеќе за купување подароци во споредба со мажите. Околу 36 отсто од жените планираат да потрошат од 100 до 200 евра, а оваа сума ќе ја потрошат 32,8 отсто од мажите. Жените најчесто подаруваат храна и козметика, а мажите повеќе се одлучуваат за вредносни бонови, пренесува „Сеебиз“.
фото freepic