Бизнис
ЃОРЃИ ПЕТРУШЕВ: ВО КОМПАНИЈАТА МЕНТОРСТВОТО И ПРЕНЕСУВАЊЕТО НА ЗНАЕЊАТА Е ДВОНАСОЧНО
24.11.2024
Преку поттикнување на позитивна работна култура, препознавање, зајакнување и поддршка, создаваме средина каде вработените се инспирирани, продуктивни и посветени. Менторството и желбата за личен развој беа клучни во мојата професионална кариера. Имав среќа да имам добар ментор, кој ќе ти ја потикнува желбата за раст. Истото го пренесувам и на моите колеги, за да можат слободно да се искажуваат и делуваат, на крајот и да погрешат. Доблесно е да се има страст и енергија за да се исполни целта. Притоа е важно да не се заборави на дигнитетот и да придонесуваме за наше лично подобрување, за нашата организација и за заедницата, изјави Ѓорѓи Петрушев, генерален менаџер во Бимилк, на Панел-дискусија „Среќата како бизнис стратегија: Успешни практики од домашните компании“, организирана од М6 Едукативниот центар.
Во Бимилк се практикува менторството со младите колеги, но како што нагласува Петрушев, размената на искуството, знаењето и комуникацијата е двонасочно. Во компанијата се дава значење на препознавање на индивидуалниот труд, а добро извршената работа и да се наградува.
- Кога вработениот ќе почуствува дека е препознаен и награден, кај него се зголемува и моралот за работа. Практикувам на вработените да им ја зададам работната задача, а тие самите да одлучуваат во нејзиното завршување . Тоа ја јакне и самодовербата кај нив. Нашата компанија не е само производна фабрика, туку опслужува и милиони потрошувачи кои треба да бидат задоволни од нашите производи, изјави Петрушев.
Во компанијата се води сметка и за воспостваувањње на баланс меѓу професионалните обврскии и личниот живот, со мерење на индексот на задоволството на вработените и со органзизирање на обуки и форуми за отворена дискусија.