Бизнис
БИЛАЛ СУЏУБАШИ: КОРПОРАТИВНАТА КУЛТУРА Е ВАЖНА ЗА БЛАГОСОСТОЈБАТА НА РАБОТНОТО МЕСТО
23.11.2024
Создавањето на здрава работна атмосфера во компанијата е сложен процес. За тоа постојат многу теоретски сознанија, но прашањето е како тоа да се спроведе во практика. Ова е важно кога од Македонија заминуваат многу од вработените лица. Секако дека дел од луѓето ќе заминат од компаниите и тие имаат различни потреби и цели. Но мора повеќе да се посветиме на односот кон вработените и да комуницираме како лидери. Се обидувам да допрам до сите и тие да се почуствуваат како да се дома, изјави Билал Суџубаши, главен извршен директор на Халк банка, на Панел-дискусијата за „Иновативни практики за благосостојба на работното место: Како да се имплементираат странски модели во Северна Македонија?“, која се одржа во М6 Едукативен центар.
Во комуникацијата со вработените, како што дополни директорот на Халк банка, се користат различни пристапи, од непосредни средби или со традиционалните форми на комуникација.
- Во Турција работев во компанија која имаше 40.000 вработени. Последните осум години работам во Македонија. Државите одржуваат блиски релации и имаме слична култура. Одржувањето на корпоративна култура е важна во нашата дејност, потребна е посветеност кон вработените, додека со менаџирањето е полесно. Платата е важна за добра деловна атмосфера во компанијата, но не и најважна. Сите вработени сакаат да работата за да бидат ценети и вреднувани од колективот, изјави Суџубаши.