Бизнис
ВОЛФГАНГ МАЕР: ЛИДЕРИТЕ ДА БИДАТ МОДЕЛ И ПРИМЕР ЗА ДОБРО ОДНЕСУВАЊЕ НА ЦЕЛИОТ ТИМ
23.11.2024
Предизвиците во носењето на важни одлуки во компаниите стануваат поголеми и покомплексни. Одлуките не може да бидат зановани само на еден човек и во тоа мора да соработуваат сите. Мораме да бидеме флексибилни, но лидерите мораат да бидат модел и пример за добро однесување, за да може и тимот да го следи тоа, изјави Волфганг Маер, главен извршен директор во ЕВН, на Панел-дискусијата за „Иновативни практики за благосостојба на работното место: Како да се имплементираат странски модели во Северна Македонија?“, која се одржа во М6 Едукативен центар.
- Во компаниите во Македонија малку се посветува на менталното здравје на вработените. Потребно е луѓето да бидат обучени за да можат да даваат повратни ефекти. Применуваме соодветни политики без разлика на која позиција се вработените, полот, возраста... Се фокусираме на позитивниот пристап и да го пофалиме успехот на поединецот. Политиките мораат да бидат мерливи и ги правиме на квартален период, преку прашалници за одделенијата и за вработените. Добиваме слика за тоа дали имаат пониска или повисока мотивација. Сето тоа е мерливо, но повеќе е важно како се спроведуваат мерките за постигнување на поголемо задоволство на вработените, вели Маер.