Бизнис
Регионалната конференција Млади во бизнисот организирана во Црна Гора од страна ЕБОР ги собра регионалните партнери
23.11.2024г.
- - На конференцијата се прославуваа достигнувањата на Програмата Млади во бизнисот од Западен Балкан
- - До денес ЕБОР има потпишано ЕУР 30 милиони кредити со партнерските финансиски институции
- - ЕУР 19,3 милиони за натамошно кредитирање на микро, мали и средни претпријатија
Европската банка за обнова и развој (ЕБОР) одржа конференција во Херцег Нови, Црна Гора, на која се собраа партнерските банки, донаторите, партнерите во еко-системите и другите релевантни ентитети, со цел се зајакне поддршката на микро, малите и средните претпријатија на Западен Балкан, кои се во сопственост или се управувани од млади под 35 години. Конференцијата беше организирана како дел од водечката Програма Млади во бизнисот на ЕБОР (Youth in Business programme), поддржана од Европската Унија, Шведска, Луксембург и Италија преку Централно Европската Иницијатива.
ЕБОР се обврза да обезбеди ЕУР 100 милиони за финансиските институции во шест економии на Западен Балкан, наменети за поддршка на младите претприемачи. До денес Програмата Млади во бизнисот овозможи ЕУР 30 милиони во кредитни линии, за натамошно кредитирање на младите претприемачи, со дополнителни ЕУР 17 милиони, финансирање наменето за следните неколку месеци. До денес се искористени над 1.700 кредити, во вредност од ЕУР 19.3 милиони
На дискусиите на конференцијата беа претставени успешните приказни, како и предизвиците со кои се соочуваат сите учесници, и начините за подобрување на понудата во идната имплементација на Програмата.
ЕБОР ги презентираше локалните финансиски институции од Западен Балкан кои учествуваа во Програмата, и додели награди за прославување на поддршката и вклученоста на младите.
Поддршката на МСМП претпријатија управувани од младите е неопходна за поттикнување на регионалниот одржлив раст. Младите претприемачи, и покрај иновативноста, често пати имаат проблеми со обезбедување на витални кредитни линии и експертиза, потребни за унапредување на нивните бизниси. Програмата Млади во бизнисот, ги премостува јазовите кои постојат на пазарот, нудејќи им на младите претприемачи интегриран пакет на финансиска поддршка и советодавни услуги.
Покрај финансирањето, оваа иницијатива им нудат на младите сопственици на бизниси и менаџери, директно партнерство, обезбедувајќи обука, советодавни услуги и можности за вмрежување преку Програмата за Советодавни услуги за мали бизниси на ЕБОР (Advice for Small Businesses), креирана за зајакнување на лидерските капацитети, вештини и деловно работење.
Партнерските финансиски институции, имаат корист и од техничката помош, за подобра поддршка и одговор на потребите во сегментот на пазарот наменет за младите.
Александра Вукосављевиќ, Директор, Финансиски институции, Западен Балкан и Источна Европа, ЕБОР изјави: ,,Младите претприемачи се на чело на постојано еволвирачкиот деловен пејзаж, и се шампиони во дигитализацијата, одржливоста и инклузијата. Нивните идеи ги менуваат нашите стопанства. Ни претставува задоволство што ги собравме на едно место клучните учесници на Програмата Млади во бизнисот, за да размениме идеи, стратегии и поддршка на МСМП претпријатија со неопходното финансирање и техничка експертиза.”