Бизнис
ХРВАТСКАТА ПРОСЕЧНА ПЛАТА СО РЕАЛЕН РАСТ ОД 12,6 ОТСТО
22.11.2024
Просечната нето плата во септември во Хрватска изнесува 1.332 евра, што е зголемување за 0,2 отсто, а реално за 0,6 отсто, во споредба со август годинава, објави хрватскиот Државен завод за статистика.
На годишно ниво, просечната нето плата номинално е повисока за 14,4 отсто, а реално за 12,6 отсто во однос на септември 2023 година.
Највисоката просечна месечна нето плата е исплатена во секторот за авионски превоз и изнесувала 2.139 евра. Најниската плата е исплатена во производството на облека и изнесува 850 евра.
Медијалната плата во Хрватска за септември годинава изнесува 1.129 евра, а половина од вработените примаат помалку од оваа сума, пренесува ХТВ.
фото freepic