Бизнис
ДИМИТРИОС НИКОЛАИДИС: ЛУЃЕТО СЕ СТОЛБОТ НА КОМПАНИЈАТА И ПОТРЕБНА Е НИВНА МОТИВАЦИЈА
21.11.2024
„Прашањето за секој раководител во компанијата е како да се оптимизираат процесите преку поголема мотивизација на вработени, кои би имале за цел да привлечат повеќе клиенти. Во интерес на компанијата е да постигне одржлив раст и солидна организација. Не се согласувам целосно со многу раководители, кои велат младите не сакаат да работат и дека барале повисоки плати, а по вработувањето брзо си заминуваат од компанијата. И во мојата компанија има многу млади и ние сме задоволни од нивното ангажирање, ако добро ги третирате. Ова не значи да ги разгалувате, но ако внимавате за исполнување на нивните интереси тие ќе останат во компанијата“, изјави Димитриос Николаидис, главен извршен директор на „Ембрионлаб“, во денешното воведно излагање на едукативниот настан што се одржаа во просториите на М6 Едукативен центар, под наслов „Среќен тим, успешен бизнис: Моќта на здрава работна средина“.
- На компаниите им треба визија и план и тие се во трка за профит. Важно е да се потпираат на вредносен систем и тоа помага во носење на одлуки и стратегии во време на криза. Луѓето се столбот на компанијата која, како и сантата мраз која го потопи Титаник, има видлив и невидлив дел. Невидливиот дел на секоја компанија е недостигот од бизнис култура, воспоставениот систем на вредности, емоциите... Најголемиот предизвик за секоја компанија е да се постави добра организација на средното ниво на раководење. Во мојата компанија ни требаа две години да го постигнеме ова. Вториот дел е обврската кон вработените, кои се клучните за привлекување на нови клиенти. Не беше лесна транзицијата, некои беа и отпуштени и тоа се луѓето кои не ги прифаќаа промените, вели Николаидис.
Компаниите треба да се погрижат за секој вработен и да има повратни одговори кон сите нивни реакции. Посебно треба да се посветат на вработените кои се квалификувани и мотивирани за работа, затоа што по неколку години се забележува нивна професионална стагнација и им треба нови предизвици за да го одржуваат сопственото темпо. За жал не е само платата фактор за да се решат проблемите во нездрава работна атмосфера, посочува Димитриос Николаидис.