Бизнис
ЗДРАВАТА РАБОТНА СРЕДИНА ЗА ВРАБОТЕНИТЕ Е КЛУЧЕН ФАКТОР ЗА УСПЕХОТ НА СЕКОЈА КОМПАНИЈА, е заклучокот од денешните панел дискусии во М6 Едукативен центар
21.11.2024
Создавањето на атмосфера на благосостојбата на работното место, во која вработените ќе се чувствуваат среќни е клучен фактор за успехот на секоја компанија во денешното динамично опкружување. Целта е компаниите да ја разберат важноста на создавањето здрава работна средина за вработените што е клучен фактор за успехот на секоја компанија, а вработените да добијат поддржувачка и инспиративна средина за вработените, каде секој може да се чувствува ценето, мотивирано и спремно за нови предизвици, беше посочено на денешните панел дискусии кои се одржаа во просториите на М6 Едукативен центар, под наслов „Среќен тим, успешен бизнис: Моќта на здрава работна средина“.
Претставници од македонските компании од различни дејности, од финансискиот и банкарскиот сектор, индустријата и производството, имаа можност да ги слушнат излагањата на повеќе од 35 врвни експерти за примената на различните практиките за градење, но и да ја разберат важноста на создавањето здрава работна средина за вработените. Во рамките на овој настан предвидени се и одржување на 13 работилници, на кои вработените ќе се стекнат со практично искуство за личен раст и развој.
- Истражувањата покажуваат дека околу 72 отсто од вработените одлучуваат да останат подолго на едно работно место, доколку компанијата се грижи за нивните потреби. Компаниите се фокусираат на помалку важни сегменти во кои се вложуваат и поголеми инвестиции. Но поддршката кон градењето на здрава работна средина е помалку застапена. Создавањето на здравата работна средина, според дефиницијата на Светската здравствена организација, е средина во која вработените ќе се чуствуваат исполнето, преку континуирано учење и личен развој. Ова е нашата мисија и се надевам дека ќе успееме да внесеме малку светлина за сите: за компаниите, за вработените и за оваа наша држава, изјави Елена Младеновска Јеленковиќ, Главен извршен директор на М6 Едукативен центар.
М6 станува партнер на глобалната иницијатива за среќа на работно место и од следната година настанот ќе биде дел од Интернационалната Недела за Среќа на работното место.