Бизнис
ДХЛ Експрес e на прво место во World’s Best Workplaces™
19.11.2024г
Рангиран помеѓу топ 3 World’s Best Workplaces™ петта година по ред / на прво место во регионалните рангирања низ Азија, Латинска Америка и Европа.
Петта година по ред, ДХЛ Експрес е прогласен за едно од World’s Best Workplaces™ и оваа година ја освои престижната #1 глобална позиција. Компанијата исто така ја освои првата позиција на регионалните рангирања низ Азија, Латинска Америка и Европа - продолжувајќи го своето лидерство четврта година по ред во Европа, осма година во Азија и седма година во Латинска Америка. Ова признание доаѓа од Great Place to Work™, во соработка со Fortune Magazine*.
Во изјава по повод ова постигнување, Џон Пирсон, извршен директор на ДХЛ Експрес, сподели: „Ние сме неизмерно горди што повторно сме препознаени како број 1 компанија на листата на World’s Best Workplaces™. Ова признание ја нагласува нашата цврста посветеност да ги ставиме луѓето на прво место и да негуваме енергична атмосфера, и инклузивна култура низ нашиот глобален тим од 120,000 вработени во повеќе од 220 земји и територии. Камен-темелник на ова постигнување е нашата програма за “Certified International Specialist”, која е од клучно значење во поттикнување на извонредност. Почитувајќи ја посветеноста на нашите вработени, можеме да обезбедиме исклучителната услуга која го дефинира ДХЛ Експрес. Остануваме длабоко фокусирани кон создавање на најдобра можна работна средина за нашите тимови ширум светот.”
Култура на припадност и цели
Во ДХЛ Експрес, градењето силно чувство на заедница и заедничка цел е основно за културата на компанијата. Вработените се во основата на успехот на компанијата, и нивните придонеси се слават на различни начини. Годишните иницијативи, како што се програмите “Appreciation Week” и “Employee of the Year”, ги почитуваат поединците кои ги олицетворуваат основните вредности на ДХЛ: брзина, страст, став на „можам“ и правилно извршување.
Повеќе од само работа, работењето во ДХЛ значи придонесување кон поголема мисија-поврзување на луѓето и подобрување на животите. Преку учество во програми за корпоративна одговорност како што се DHL Got Heart, Global Volunteering Day, GoHelp, GoTeach и GoTrade, вработените на ДХЛ конкретно влијаат врз заедницата, одразувајќи ја посветеноста на компанијата за подобрување на светот.
Посветеност за “Луѓето, на прво место”
Фадзлун Сапанди, извршен потпретседател за човечки ресурси во ДХЛ Експрес, ја истакна постојаната посветеност на компанијата кон нејзините вработени: „Нашите вработени се основата на сè што правиме, и ние напорно работиме за да се осигураме дека секој поединец се чувствува ценет и разбран. Со создавање на поддржувачка, мотивирачка работна средина, ние поттикнуваме чувство на припадност кое му овозможува на секој поединец да напредува. Нивните уникатни перспективи и придонеси го поттикнуваат нашиот успех и ни помагаат да се издвоиме во индустријата.
Правење разлика ширум светот
Да се биде глобален работодавач, носи огромна одговорност - кон нашите вработени и кон планетата,“ рече Мајкл Ц. Буш, извршен директор на Great Place to Work™. „Овие значајни компании, не само што поттикнуваат достигнувања, туку и позитивно влијаат во нивните заедници. Кога луѓето работат со цел, тие испорачуваат иновации, ја подобруваат изведбата и помагаат во градењето на подобар свет за сите нас.“ ДХЛ Експрес сега има заслужено место меѓу World’s Best Workplaces™ и е рангиран меѓу најдобрите три компании глобално, од 2020 година. Безрезервната посветеност на компанијата кон нејзините вработени, нејзините вредности и нејзината мисија продолжува да поставува пример за извонредност на работното место ширум светот.
*©2024 Fortune Media IP Limited. All rights reserved. Used under license. Fortune and Fortune Media IP Limited are not affiliated with, and do not endorse the products or services of DHL Express.