Бизнис
СРБИТЕ ПОВЕЌЕ ТРОШАТ ЗА ЦИГАРИ ОТКОЛКУ ЗА ОВОШЈЕ ИЛИ ЗА ОБЛЕКА
19.11.2024
Домаќинствата во Србија минатата година трошеле 37 отсто од приходите на храна и безалкохолни пијалоци, а 10 отсто од домаќинствата со најниските приходи трошеле 50 отсто од месечниот буџет за храна , покажала Анкетата за потрошувачката на домаќинствата.
Минатата година граѓаните на Србија трошеле повеќе за цигари и тутун во просек 3.116 динари, од трошоците за овошје (2.110 динари) или за облека (2.505 динари), пренесува „Данас“.
Приходите на домаќинствата во Србија во 2023 година во просек изнесувале 85.466 динари (730 евра). Од нив најмногу се троши за храна, домување и режиски трошоци, а најмалку средства се одвојуваат за образование.
За поголемиот дел домаќинства приходите доаѓаат од редовен работен однос 52,5 отсто (46.114 динари), од пензии 30,9 отсто (27.155 динари) и приходи од земјоделството со четири отсто (3.554 динари).
фото freepic