Бизнис
КРИЗА ВО СЕКТОРОТ ЗА ЛУКСУЗНИ ПРОИЗВОДИ
18.11.2024
Пазарот за луксузни производи неколку години се соочува со последиците од економската криза, а годинава ќе има дополнително забавување на продажбата и тоа е за прв пат од Големата рецесија во 2009 година. Само една третина од луксузните брендови ќе ја завршат годината со позитивен раст во однос на две третини минатата година, покажува анализата на „Bein and Kompani“.
Од компанијата посочуваат дека 50 милиони потрошувачи на луксузни производи се откажале од купувањето на дизајнирани торби, шалови, часовници и други производи, поради превисоките цени.
Кина го одржуваше растот на продажбата на луксузни производи од 2000 година се до почетокот на пандемијата. Кинеската потрошувачка беше потикната од растот на кинеската средна класа и луѓето кои се збогатиле.
Анализите покажуваат дека продажбата на луксузни производи до крајот на 2024 година треба да падне за два отсто. Меѓутоа, се предвидува постепено заздравување на продажбата во луксузниот сектор од 2025 година во Кина, Европа, САД и посебно во Јапонија, поради поволните девизни курсеви за странските купувачи, пренесува НИН.
фото freepic